2020-01-07
自從Whatsapp俾Facebook收購左之後，一直致力去改良更新，務求係芸芸社交媒體之中搶得最多嘅market share。
Whatsapp其中一個最大嘅改良，不得不提兩年前推出嘅撤回訊息功能。
Source: WABetaInfo page
最近，Whatsapp正測試一個命名為”disappearing message”嘅功能，群組管理員可以將信息設定係某一段時間後自動刪除，節省手機空間。 根據WABetaInfo page嘅更新，可以選擇嘅時間長度有一小時、一日、一星期、一個月，甚至一年。
Whatsapp 推出呢個功能嘅初衷係令到用戶減少係群組接收到嘅訊息以及媒體所佔用嘅空間。此外， 呢個功能仲提高左用戶係即時通訊軟件對話嘅保密性。今時今日好多商業溝通已經由傳統電郵變到用簡單直接嘅whatsapp群組通訊。提高左保密性可以令到用戶更有信心溝通， 方便用戶隨時隨地作出即時溝通，令私人或者工作溝通都可以更暢順更方便。
雖然呢個功能暫時仲係開發階段，亦只係暫時限定群組使用，但係相信不久嘅將來， 呢個功能都能夠應用係私人Whatsapp對話上。